Bukan pantun, bukan puisi
Out of Genre
—–
A m a
Oleh Bukhari*
Ama….
Langkahmu gere nae sikep
Teringet aku waktu itona
Taring rense I toboh si pernah tegep
Tetap mangan kami wan bencana
Waktu berganti, masa berubah
Meh kami bersekulah
Peruntungen pe mutetah
Senyum mu kin kami gere mubah
Ama…
Wan mis nome aku terjege
Kelat matangku tapi turah iuke
Ring niama karena munehen derite
Penyakit si sara roa kutubuh gere nae irike
Laing letep tue “made in china” pudaha
Muretas amal tidur sawah ku jege
Kena gemade bang gaep ari ara
“therapy healing” pe gere iterime
Ama…
wan jamur tue ilah niume
beralas kayu bekas orom karung tue
murebah lemas kao rembege
kusi de belohe kayu medang jempa
mungkin kedie I pangan “bebur” simujadi beje
toron mani jema si besinte
gere genap gesing, bentor, kekotot orom sela tue
bene rereng, bene gergel orom gure
kusi ibiseken kati ulak ampang niama mutuah nemah bahagie
ama…
doanen aku buge nguk mujadi perdu
si mudaleng kolak seserenenmu
muolong rubu kin lelongohenmu
muaih lungi mulebihi tau
*Mahasiswa PBI Universitas Sarjanawiyata Tamansiswa Yogyakarta
