by

Lat Batat, Kayu Atu: Sebuah Kisah Gayo Masa Lalu

Datuk Seger Wan Tona. Lintasgayo.com/WRB

Catatan: Win Ruhdi Batin

Dan akhirnya, lelaki kurus kering itu mengizinkan kata kata yang keluar dari pikirannya itu ditulis.

Dia menuliskan kata demikian lancar bak air mengalir. Pulpen diatas kertas seperti menari balet. Lincah tak putus. Mengayun naik turun dan mendatar .

Aku terkesima. Antara bingung dan tak mengerti semua yang diceritakannya. Akan tetapi, tak pernah kuberitahu aku sesungguhnya tak paham.

Isi kepalanya tentang Gayo dan sejarah, asal usul , sebab musabab, masa, tanaman, hewan hingga asbabun nuzulnya begitu rinci.

Isi kepalanya seperti kamus sejarah Gayo. Antara dimensi nyata dan gaib bersatu. Antara kini dan masa lalu. Di era 4D dan qisasul Ambiya. Semuanya rinci.

Dia seperti kembali dari masa lalu. Seperti film time tunel. Lorong waktu. Dan dia seperti pernah kesana.

Kisah yang dirangkum nya seperti membaca sejarah para nabi. Umpamanya penciptaan Kapal Nabi Nuh. Saat membacanya seperti memasuki dunia lain dengan segala peradaban masa itu. Tak terbayangkan. Tapi nyata. Sahih, Wallahu ‘alam.

“Sudah ada perintah. Sudah boleh cerita ini ditulis”, katanya. Semua yang dilakukannya seperti menunggu petunjuk. Menyepi di perkebunan kawasan Pegunungan Kenawat Lut dan Lukup Sabun.

Menghindari keramaian demi menjaga kata dan kebersihan hati. Dari rasa Hilet, dengki , khianat. Syak wasangka dan membicarakan orang lain.
..

Pertemuan dengannya pun selalu didahului kehadiran Kesip. Hewan kecil ini selalu terlihat dimataku. Sebelum bertemu dengannya.

Ada sepuluh halaman yang ditulis tangannya. Dan masih banyak yang sudah di tulisnya dalam buku. Tapi belum ada perintah boleh dibaca orang.

Kata yang sudah dituliskannya, pernah terdengar saat upacara adat melengkan mungerje. Semacam petatah petitih Gayo , berbalas pantun saat pernikahan

Inilah kalimat yang direkam memorinya berdasar petunjuk yang diterimanya.

.,..

Bismillah
(1)
Semawah Nahma Ujutte
Selawah Kata Olehhe

Datu Pitu muyang siwah

Tekala langit seringkel payung
Tekala bumi selues tapak
Tekala mupestak Nenggri Antara
Tekala muke pintu langit
Iuken bujang gentala
Urum kenak siSara
Turun roa jema kubumi
Sirawan bergeral Ulih
Sibanan bergeral Ipah

Kuseder tikik sahen muyang siwah.
Pertama Ulih, kedua Ipah, ketige ocol, keempat maya، kelime Excel, keenam maka,ketujuh eyas, kelapan unok, kesembilan Esah.

Oyawe si betih urang gayoni jahman. Keta Ike ku basa Suryani , Nenggri rum Ike Ulih ( Adam), Ipah ( Hawa), ocol ( Qabil), Maya ( iqlima), ecel ( Habil), Mala ( Labuda), eyas (nabi Syits), Unok (Anuq), Esah (hunum). Sibensuni mujadi Rom.

Kuseder Mien sahen datu pituni. Pertama bujang Genali, kedue peteri kaca, ketige bujang lewajadi, keempat peteri redum Manaa, kelima bujang juere, keenam peteri pintu, ketujuh peteri terus mata.

Keta Ike ku basa Suryani, nenggri rum, Ike bujang Genali ( Ghalem). Anakni reje rum pertama ( Sam), peteri kaca ( jurjan) . Anak reje sikedue ( yafits), bujang Lewa jadi ( Ghoulam).

Abang rengkop ni bujang Genali, peteri redum Manaa anakni Datok tinyo ( yaam bin noh rum istri pemulo, namaha binti tzila).
Bujang juere Ari Nenggri Antara, peteri pintu ( mahalul binti noh) .

Peteri terus mata (arbasisah binti marazil). Istri reje rum kedue ( yafits binti noh rum istri kedue amzurah binti barakil).

Oyya riwayatni datu Pitu muyang siwah.
Kuterangen Mien segermi secara Nenggri Antara kati jelas.

(2)
Tekala uren Rene remeno
Tekala Mun jalo jemalo
Tekala rumput jarum jemarum
Tekala kuyu simang Sumut

Imasa lut lilin pulo perca
Imasa Lat batat kayu atu.

Asalni ujen Ari kedut
Asalni kuyu Ari simang Sumut
Asalni Tanoh Ari gsmat gimut
Asalni Rara Ari jemat jemot
Asalni Linge Ari gunur
Asalni serule Ari gerupel

Serule mulo jadi
Linge nge mulo Ara
Sawah ku bur kelieten
Ta kengon teridah lut tawar

Dedalu kayu asal
Gerupel kayu sedenge

Buntul kung Pulo sabut
Oyale Kin buntul linge
Dedalu sara batang
Urum tetusuk jarum jemarum
Murip i buntul Linge
Oyakati i perin
Dedalu kayu asal.

(3)
Pulo perca terpancang pancang
Sara batang serule
Murip iatasni gerupel
Ikarang kati
Oyakati irasi
Gerupel kayu sedenge

Tekala langit seringkel payung
Tekala bumi selues tapak
Tekala Tanoh sekemul sedemak
Oyale buntul Linge
Lenge Ara jemae gere

Arisi gehni Ling
Ari WAN gunur
Isihen gunure
Wan tung perahu Medang Ara

Arisi asalni Persia
Ari Nenggri rum
Sa mujule e
Roa nege
Sara jomeng sara goneng

Hana kene Linge
“Tabi mulo langit
Tabi mulo bumi
Gemasih geralni Ama
Semayang geralni Ine
Semawah….selawah….semawah..
Selawah….semawah ….selawah ( mutulun)

(4)
Semawah nahma ujute
Selawah kata olehe

Sahen si melinga
Sarah beldem wan gunur
Wan tung perahu Medang Ara

Sikatan gunur
Semawah
“Urum geralmu awah”

Hana jeweben be
Selewajadi
“Ko nge ku jadin”

Selawah
“Selamaten aku awah”
Hana jeweben ne
Selewajadi
“Nge sawah ku tempatmu”

Sahen Oya simumerenne
Selewajadi
Oyale empu Ari segele empu
Oyale awah
Becerak Ari atasni langit
Nenggeri antara

(5)
Ling Oya mugunte
Mulentayon ku bewene
Jep jep benyer nenggeri
Oyakati iperen kenali
Kenali mujadi Genali

Sahen simumerin kenali
Oyale Datok tinyo urum peteri gonok
Lembut berperi sejalin tabi

Tekala uren Rene remeno
Asal Denie nge mulo Ara
Tekala Mun jalo jemalo
Mupestak nenggeri antara
Tekala rumput jarum jemarum
Dedalu urum gerupel bersempena
Tekala kuyu simang Simut
Musiner telege cayani nenggeri
Mussming urum jerak petala

Datok tinyo urum peteri gonok
Gere mubuah hati jantung rasa
Sawahni Keta bujang Genali
Oya Kin anak Mutamah keluarga

Serule hari gembira
Seruway hari bahagia
Kurr….semangat…
Srmawahmi …kire…
Berijin.

(6)
Bujang Genali bersarung gunur wan perahu Medang Ara. Manut perauni Ari Nenggri rum selama 44 Lo. Sawahku Pulo sabut. Tepate buntul kung ( buntul Linge seni).

Isone perauni muserme. Pulo sabut masih bagien Ari Pulo perca si terpancang pancang.

Sawah perau Medang Ara muserme, terbol buntul Linge, atas perintah reje rum sipertama ( Sam bin noh). Roa nege sibergeral jomeng urum goneng, nge ijulenne budak wan sarung gunurni (Galem bin Sam). Ari nenggeri rum ku Pulo perca.

“Ling e mugunte, mulentayon, sawah ku gunung ijo i serule. Musesauten urum langit nenggeri antara”.

Terpenge sawahku kemiringni roa jema datok tinyo (yaam bin noh) urum peteri gonok (mulimawa binti labakh) i gunung ijo.

Ikenali arisi asalni Ling a. I tinyo Ari tetinyo, rupenpe muserme i sara Pulo. Kata Kenali a mujadi Genali. Oya kati irasi Bujang Genali.

Sawah renye Datok tinyo urum peteri gonok ni ku terbol buntul Linge. Kerna isone muserme Persia.

Iukene tung a me idepetie was ea , ” kero opat kemul, Tanoh sekemul, upuh jerak sara pingang. Mubalut WAN gunur. Sara sinsim bepinte. Gere terkirene Datok tinyo line cara munuke gunur.

Mupestak nenggeri antara iuken bujang gentala pintuni langit. Tangkuh siner Ari telege caya nenggeri, musamung ku jerak petala.

Turun bujang juere urum isterie Tun Entan Julita, iwetne inihni Rom tajuk ( Beru dayang), urum ukini Rom ma, iukenne gunur a. Tangkuh budak Ari gunura.

Oya siperin bujang Genali. Bujang Genali taring wan perala urum pengengkunen ni Datok tinyo urum peteri gonok.

Oya kin Ama urum ineni bujang Genali. Perau Medang aranipe manut Mien sawah ku gewat. Ijulen jomeng urum goneng.

Sawahku puser lut iarul ceda urenni peteri megerintik. I kenie i Julen lku kapur atu. Isone bekasni perau Medang arani nge murip Sena i gewat.

Sara masa i bujang serbangan bujang Genali, peteri kaca ( Jurjani binti Yafits) anakni reje rum kedue ( Yafits bin Noh) munesah i nenggeri rum. Koboheya manut ku jep jep benyer nenggeri wan laut berolah.

Isapuie urum lidi, nik nik renye Konoha manut sawah ku Linge. Renye kul mujadi but. Pede masa Oya. iengon bujang Genali kobohane mujadi bur. Oyakati asalni bur Ari koboh.

Nur Atawa gunung pede saat Oya lembut lagu kapas. Ike seni nge teger.

(7)

Peteri kacani anakni peteri Tun peteri terus mata (Arbasisah binti Marazil). I masa Oya benrmah peteri gonok. Lahir anake si bunne gerale , “Peteri Redum Manaa” mutamah Mien keluarga.

Pede masa Oya iosan bujang bayak beberapa inih ni kayu urum nematan ku bujang Genali urum amar tok tinyo.

Oyale rembie, kemili, juer, juel,jempa,Meranti,nangka, ramung, Surin, mahoni,kayu manis,gele. Oya isuenne jep benyer nenggeri i wilayah Pulo perca.

Keta ku peteri gonok iosan peteri mengaya inihni keloang, beldem,kertan, cike,kuning, Bing, lengkues, tekur,ketumer,lede pedih,buah pala, dun sre,lede pentek,terong padul,asam jantar, jire, buah pala, temulawak urum bunge Lawang.

Gesingpe gere luput isuen bujang Genali. Sementara Ulih segele Ulih (biang,utung, pukuh) , urum segele we (radang, semamo, Mano) nge Ara i Pulo perca, i masa bujang Genali nge sawah kone.

Oya langsung isuen Datok tinyo inihe bujang bayak munosahe kati enti payah munos umah jamur. Gelime ilang urum gelime putih pe nge Ara ione.

Kerna bujang genalini Sule munekik urum muneldik ku wih Wuh urum wih lawak isone Ara kolot urum Ili.

Keta iosan bujang bayak inihni kerleng pogeng isuen i lut tawar. Bujang genalimi Ara sara nematen gerale, “Kik Betul” penosan bujang juere.

Isuenne kerleng pogeng ta ilut tawar nge Ara gule jaher, bawal,eyas, keperas,peres urum kawan. Oya isuen nge bujang sedang we.

Nge bujang pedih Genali ni itenahni bujang Malim jerasah tawar ( empusni lut tawar). ” Win geh pe mulo ko kini”, “ngune die awan?”, Mungune bujang Genali.

“I Mai ko kini Kik ma, izin Ara bawal kisip pe emas. Oya nguk Kim nrmatanmu”, Imah renye Kik betul urum benang keri. Matani Kik a ne . Pakane uwahni gelime mantu.

Kona gule bawal simujerilep emasne. Nye Mai e ku serule ubunne ku WAN lenge.

Nge sawah bujang Genali ku jamure . Keta i lut tawar pelolo Badi urum denung. Badini berasal Ari bewang Ari wani loyang , pelolo urum denung kerna Oya umahe.

Nye turun Gegarang urum gegaring idamene. Gegarang urum gegaring ni isuenne Gegarang ku gegarang keliru. Isuenne mur ku lut tawar.

Nye isuenne gegaring, sungek, mungkus , kebaro urum jolong ku Ulun Niken i serule. Nye beluh ku sih ilang terbangun. Ionepe suenne urum relis.

(8)

Mayo ku WAN Uber ujerni bujang Genali, kemudiyen Lang ne ya liwet kapal si biasa mulintes Pulo perca. Itaukki bujang Genali Ari buntul Linge.

Sawah pawang lutni pe kone. Pawang lut ni sibergeral Gurah. Gurah anakni Gamurah bin Lamekh. Isone ku pawang lutni kirimen kati ijulen ku reje nenggeri rum :

1. Petukel
2. Gelime
3. Bawal mukisip emas

Itiroe ku pawang lut, kirimpe Ari reje rum :

1. Rike putih opat seta
2. Tenaruh
3. Kurik putih si sawah taukke.

Sawah renye kirimen bujang Genali ku negeri rum. I Julen ni pawang lut ku reje. Terkune reje rum , ” Hana makdut te ini?Hana makdut te sitenahne”, musaut anake peteri kaca.

“Aku si tiroe Ama. Aku si tenahne”, kene peteri kaca ku amae reje rum.

Kapalpe renye berlayar Ari nenggeri rum ku Pulo perca. Sawah ku buntul Linge, peteri kaca turun katan ni jumpun. Isone mulo bermat jari urum bujang Genali.

Arani cerak Ari bujang Genali
Gehni peri Ari peteri kaca

Bujang Genali. : Oya ke sawahmu ipak
Peteri kaca. : O Abang , sana sebeb kati Abang kini
Bujang Genali : nge sawah Janyi. Kenali langit teniro ni bumi.
Peteri kaca: Keta Ike nge Beta kene langit, sahen keta geralni Abang?
Bujang Genali : aku irasi bujang Genali. Ta ipak sahen gerak, boh isederen pe mulo
Peteri kaca : Ike Kona ku gerel, peteri kaca Italu bang.
Peteri kaca : aku Ara mungune sana kati Talu Abang aku ku ini.

(9)
Bujang Genali : aku Ara mukenak ipak. Kal WAN tape kekure wan are

Peteri kaca : hanahen Oya bang.cuge cerak Nabang pe mulo.

Bujang Genali : angan kasat , ejet Niet, pinte natengku, Ike atas pe baur, nguk kite tangkoki. Ike renahpe Arul nguk.kite kilihi. Ike berolahpe lut nguk kite Awe i. Sengkiren uren turun bersedie ke bumi munerime?

Peteri kaca : langit tempat penanggalan. Bumi tempat penungkuken. Sengkiren uren turun, sediken bumi munerime. Gemasihni Ama Semayang ni Ine. Bujang berine Beru berama.

Peteri terus mata urum tamunen kail iringen Naru. 44 jema jumlahe mujulen peteri kaca kin Inen Mayak Ari serule ku buntul Linge.

Isone ibie peteri pintu ( Mahalul binti Noh) kin penginang 8 x 2 urum ngahe Mulimawa binti Marazil.

Kin pengasuh 2 x 7 . I buntul Linge nge munampi bujang Genali ( Aman Mayak). Datok tinyo, peteri gonok, peteri redum Manaa, awan kul Ganir, anan kul mar, ibi peteri Selami, Kil tok petongalan ( Karid bin lawas bin Laban bin jamas bin maralis ( moralis) bin Yurad. Beserta sulit sepangkalan.

Ari 44 jema wa, 27 jema taring i Linge. Selangkan 17 jemani ulak ku nenggeri rum.

I masa lut lilin Pulo perca. Turun Pitu peteri ku telege binen. I julennye ineni baning ku paya baning. Renye diri darini muniri ku Pante Bidari lokop serbejadi. Taringne baningne ngaruh.

Nge mari ngaruh ke e peterini sara, ” nge mari ke ko munaruh ipak”, “nge aka”, kene baningni.

” Keta kite ulakmi ku nenggeri antara”. Post tenaruhni baningni, si kul rawan di kedue Nanan, siketige rawan, sikeempat banan.

Baningpe bujang , baningpe dere isone berjunjanyi. Mikot Janyi opatne. Kene si kul, ” tankam kini male win urum.ipak. aku urum akamu male ku item”, kene siketige, ” ta Ike Abang urum aja male ku item, aku rum ipakni male ku lut”.

Keta si abangan urum siakan mujadi kura kura, murip kukute ku uten. Roami ku lut mujadi penyu…

(10)

Ari Pengemasan

1. Gayo artie gerep. Gayoa oyale suku oayale Bengsa. Pegayon artie penggerepen Atawa pembelejeren.

Pegayon oyale agama nurang Gayo . Hana si gayon? ( Hana sigerep). Sigayona beges. Hana artini beges?. Ike ku arab ilmu. Ike ku Suryani Idris. Keta Ike ku Gayo Beges.

Begesa basa jahman. Basa besilo ilmu.

2. “Lat batat kayu atu, segele Bene becerak. Uyet kebet tulen besi segele Bene mujadi”.

3. Hikayat 13 Seni

Amangku tok lusung
Inengku tok legen
Gudem ton petawaren
Gedupen ton kemenyen
Ketumu pirak batil tembege
Bebalun berukir kerawang

Lenge Toni aih
Bojok ton pos
Tebok ton pola

Inen keben simunaso nematan
Inen cecor simunamat pemberasan
Inen senawat simunamat petawaren
Inen jorah simungemas penamaten

4. Geral Suryani ni muyang datu Iwet Ari riwet murip kisahni para nabi karya Ibnu Katsir.

Kata pesaka Ari Datok Seger Tona Simaman Teguh . Peri Mestike Ari Win Belangi sijantan tegep.

Pemulo Uluh , biang, utung , cangduri, jeruk
Kedue we , radang, Semanu,mano, pukuh
Ketige , ines,Pelu,tau, tolong,Noya Ara wan 13 seni..

Itulah sepuluh halaman yang ditulis Segertona. Dengan tulisan tangan. Sulit baginya untuk menghindar dari riwayat tentang Gayo.

Meski tak pernah membaca buku tentang Gayo, atau mendengar dengan rinci cerita dongeng Gayo secara turun temurun. Namun Segertona seperti “terpilih”.

Terpilih untuk “dimasukin” tentang keberadaan Nenggeri Antara dari kisah awalnya. Kisah yang bisa jadi bermula di era Ambiya.

Wallahu alam bissawab
Payaserngi, Lo jemat , 9 Lo, 10 bulen, 2020.

Comments

comments