L.K.Ara
BUR PERULANGEN
ari bur perulangen
temas maten te mumanang
nge nenang
ku kute takengen
ku kampong kebayakan
ku wih si mampar
ku lut tawar
ari bur perulangen
mampat telas alam luwes
urum ate uwes
kite mumanang
bur bur telas, kampong dan kute telas
telas kayu si rubu
telas jelen si naru
telas pante mupasir
den so i langit
si gere terjelgit
telas emun lagu munawe
berulon-ulonen.
Ari bur perulangen
Kengon mata ni Gayo
Reduk lagu mungene
Kune die nasip te
Bur perulangan, bur perulangan
Tuhen Maha Semayang
Nge mubagi kasih sayang
Ku kite urum alam
Banda Aceh, 11 Agustus 2011
