L.K.Ara
TANOH
ari tanoh i tepa ko labu urum keni
ari tanoh itos ko kuren, belanga jeroh penadi
o ama ine ngku
nge kami rasa buah jarimu.
Nge kami enom wih ari kenimu
Nge kami pangan kero ari kurenmu
serasa ku engon
tanoh i tepa i tos ken labu
tanah i tos ken keni urum belanga
serasa ku engon tanoh i telong
urum rara ilang mugangur munyala
gere lupen i tetah ko ukiren
ku bibir ni keni
se olah ganti ni peri
enti tenaringen
enti lupenen
warisen ni jema jemen
Jakarta, 18/8/2011
