by

Kumpulan Lagu Karangan Almarhum Muhammad Ali Asni

Oleh : Al Yasa Abubakar*

NASKAH ini berasal  dari bahan yang ditulis tangan dengan pinsil oleh almarhum, di dalam sebuah buku tulis 12 halaman.

Sepengetahuan penulis, belum semua karangan beliau terhimpun dalam naskah ini, paling kurang ada empat buah lagi yang penuis ingat yaitu: KUKUR, CEDING AYU, REBE AYU, dan PERAU SEDANG.

Almarhum bersedia menuliskan lagu-lagu karangannya ini setelah berkali-kali penulis minta untuk tujuan dokumentasi.  Pada awalnya beliau  menyatakan keberatan  karena sudah mengikhlaskan karangan ini sebagai milik masyarakat dan beliau serahkan kepada masyarakat untuk menilainya. Setelah memberikan persetujuan beliau berharap dokumentasi ini tidak ditonjolkan untuk pujian apalagi kultus yang berlebih-lebihan.

Saya  sendiri tertarik untuk mendokumentaskan karangan beliau paling kurang karena tiga alasan:

Beliau adalah guru yang memberikan pencerahan dan membuka wawasan saya di samping memberikan materi ilmu seperti guru-guru lainnya;

Syair dari lagu yang beliau karang sarat dengan pesan moral, ajaran agama dan juga kritik sosial yang santun dan tidak menggurui;

Beliau adalah pelopor lagu modern dalam seni musik Gayo, paling kurang salah seorang pelopor kalau tidak dapat disebut sebagai pelopor yang pertama. Menurut pengakuan beliau, lagu pertama beliau karang ketika masih dalam masa pendidikan, sebagai bagian dari tugas, ketika masih di zaman Jepang. Namun lagu yang pertama beliau publikasikan secara luas adalah PEUSANGAN, yang beliau ajarkan kepada murid-muridnya di SRI (madrasah) Asir-Asir, sekitar tahun 1947 (?). Sedang lagu-lagu lainnya   dicipta secara bertahap, sampai tahun 1970-an yaitu lagu kampanye untuk Partai Persatuan Pembangunan

Kumpulan Lagu:…

 

1. LAUT TAWAR  

Sunguh sinting Laut Tawarni
Mampat belangi ipanang mata

Lauttawar se …
Jernihni waihe lagu intan permata

Ike beremus (serinen) kuyu berdeso
Gelumang mubunge (serinen) alun mutewah
Mubenyer rentang (gelumang) lagu berkekulen
Ku pasir munyergen  (gelumang) ku lah mumecah

Reff.
Sunguh sinting Laut Tawarni
Mampat belangi ipanang mata
Lauttawar se …
Jernihni waihe lagu intan permata

Cuge iengon (serinen) ipanang selese
? (le) (serinen) kin gere senang
Burni Birahpanyang (gelumang) sesuk mudate
? P’rau (gelumang)  ‘sempak gelumang

Reff.
Sunguh sinting Laut Tawarni
Mampat belangi ipanang mata
Lauttawar se …
Jernihni waihe lagu intan permata

 

2. PEUSANGAN

Ari Laut Tawar si putih jernih
Asalni waih (Peusangan)  manut ko towa
I tempat si rata waihe tenang
Sawah ku sikarang (Peusangan) waih musangka
Mutumpu ku atu waih musiu
Mu tunel ku karang waih selalu
Singah ku berawang waih mu lempusing
Langkah mujening (Peusangan) manut ko towa
Geniring ni waih murip berbage
Beregem kerpe berupe kayu
Iyup-iyup kuyu tewah berawin
Suntuk bercermin ku waih lalu

Reff.
Langkah ni Peusangan
Terbelang uten jelen beringi
Bage si singahi lahni dene
? Oya kati keruh i kala 2X
 

3. KEMARO

Kemaro naru denie kering
Kayu si rubu nge taring ranting
Kurus kering hewan mulape
Kurang kerpe tubuh mu rense

Kemaro naru denie kering
Kayu si rubu nge taring ranting

Se . . . .
Nge reduk lungun
gelap m’emun
uren male turun
Gabuk keleton ku ken ku towa
Teku turun luding singket
Pucuk sibulet (nge) belejer kemang
Makin sawah rintik jarang
Tajuk mulingang ujung ni tangke
Rasani ate bahgie raya.

 
4. MUNULING

Raom ilang ku uling taring bebelen
Tempat ni raden ku atur benyer mu rentang
Tempat ni raden ku atur benyer mu rentang

Se juelen nge sawah munemah jamu
Resamni beberu sesire mununang
Raden i tatang surak i lagu
kelubung ni ulu longoh mu kemang
Si bebujang
Sinting rupen sunguh
Lisik muminuh belat i tatang.

Reff.   Raom ilang ku uling taring bebelen
Tempat ni raden ku atur benyer mu rentang
Tempat ni raden ku atur benyer mu rentang
Raom ilang  ku uling taring . . . . . ??

Rom berujung (munuling) biasa ipanang
ku jema si kurang si gere beriro;
Hukum ni Tuhen gerene i timang
halal haram terang soal kedue;
Si berutang dele mumerusi dede
Tumpu kekire suker mubayang.

Reff. Raom ilang  . . . .

 

5. AMPA LAYANG

Sesuk aku atan benyang ayu
Bili ku tatang munantin kuyu
Kuyu pe sawah
Cico si mujurah
Raom ku tuang
Sayang (ni) ampa layang
Mupesir mutayang, ku duru mutenyen
(nge) taring i uken, uluni penanginen
Isini keben reta murege

Heran aku . . . .

Heran aku, aku heran kin ampa layangni
Tengah i raden atan bebelen
kunul i tangke urum si dele
Gere selese si kinen ampa layang
Sawah ku penanginen
isone baro mubeda
ke si ampa ku duru mutenyen
taring i uken si berat i timang

? Nasip ni ampa layang
? kekuah mukemar lingang ni ampa layang

 

6. BUR LINTANG

Sentan ku engon ku Pegasing
Munantin iuling raom si tengah ilang
Atengku senang
Mumanang  ume lues mu bentang
Muripni rakyat senang
O Pegasing
Penangkoken
Gedokni jelen siku bersiku
Dene selalu ku Bur Lintang
O Bur Lintang
I sone terbayang (Bur Lintang)  (le) bage berbage
Sehinge jantung ate (Bur Lintang) nge likep mulingang
O Bur Lintang
Ku tunung jelen ku paluh paluhen
I ujung ni pengilihen ku engon Kampung Isak
Keramil lemak murip jarang-jarang
O Kampungku mubahgie raya

 

7. ENANG ENANG

Enang  Enang o karang curem
Arul relem (Enang-Enang) kayu mu sede
Sunguh sige (Enang-Enang) mu totor naru
Bersuyen atu (Enang-Enang) temas berdene
Besilo se o totor ni Enang-Enang
Nge taring bangke pejejik
O.. o… rusak rasik tenaring ni perang
Parini jelen
I pengilihen mulelengkok
Mugegedok i penangkoken siku-bersiku
Pucuk  ni kayu teridah i paluh
Nge alus i tuyuh reduk lelungunen
O Totor n’ Enang-Enang tingir ku karang.

 

8. EH  AKU

Porak mudeteng atas lao timang
Sehinge kacang nge lupen ken kulit
Olok pedi sakit i masa kemaro
ulung si ijo (nge) munantin kering

I masa senting kenak berdedele
Ku langkah mate kenak musara
Ku pintu nyawa muniro tulung
Ku jelen untung gere mingah-mingah
Sawah ku tuah . . . .  aku
Aku-aku-aku dekat mulo
Ku pintu lebe serinen pe taring

Reff.
Porak mudeteng atas lao timang
Sehinge kacang nge lupen ken kulit
Olok pedi sakit i masa kemaro
ulung si ijo (nge) munantin kering

 

9. UYEM

So … desir berdeso langkah ni kuyu se
Beremus ku uyem rubu
Mutumpu ku baur musiku
Mukiser ku kerpe lemi
Unang bertari (le) pucuk ni sange e e e o
(ku) pucuk ni sange pe mejen
(le) mampat di ku engon
‘ke makin uyem (se) nge simen
Sempol kaul ni Takingen
ken hiesen kepies kemang
ken selinang ni tanoh Gayo

Reff.   Ulakmi ulak si ranto jarak
Enti lale i belang urang
Suk seme tair munomang
Kati senang bang kati rane 2X

Se tane temane jeleni ate se . . .
‘Penge keber ari si jarak
? Tercerak                 kene pake
? Uyem                       kin minyak
?                                  (le) oya tentangne e e e o
?                                  pe mejen
?          mejen mera mupengunen
Lues di uyem bersuen
Gelampang, Telege Binen
Isak, Tero, Mangis, Penarun
(lah) selo d’e turun belo pemango

Reff. Ulak mi ulak . . . .

 

10. CICIMPALA

Cicimpalani . . .
‘Cempalani olok di bijak
Jamu jarak bang male sawah
Kupetetah (se) alas bedang
Berkerawang mampat ken tempah
Cicimpala se . . .
Kupepanang kao muterbang
Ari tungul sawah ku atang
Ulak mulingang ku atan cabang
‘Sire berdenang ko bertari
Cico kecici . . . .
Enta sana die si kaji ko
Ko (le) kin perami
Ni kami isini rebe
King Penggure pelale n’ate
Aduh gure-e cara muripmu
Lale aku ‘uluni kite
‘Cempala o cicimpala

 

11. MAULID

I masa heme munyemah atu
Kemenyen itunu ku atuni kubah
Munosah sedekah ku berele dungu
Ku kayu si rubu siterih murulah
I susun rapi jejari ni pumu
I tatang ku ulu ken tene hormat
Muniro berkat ku bene mate
Bage berbage buetni jahiliah
Nabi pe sawah munetah imen
Ku hemeni tuhen kati mutuah

Reff.   Ku kaum muslimin Nabi bermanat
Ike i akhirat ken isini serge
Ike i denie mujadi khalifah
Pane mumerintah munatur heme
Segele rupe ilmu turah iperah
Nabi nge ulak munaringen kita
Kar’na nge semperne ejeren agama
Nenggeri itetah umet mubahgie
? Imen i dede senjata utama
?                      umet Islam megah
? Pane mumerintah mumerala manat
? Nabi Muhammad m’rasa bahgie
Iatan denie semangatte musara
Ni umat Islam mehat pedoman
Hadis urum Qur’an senjata utama

Reff. Ku kaum muslimin . . .

 

12. JERANG BELANGA

Oya kekinen beta ke rupen
Seni teku selese mokot di aku mukale
Ken ningko o bunge jerang belanga
Patut (le) mata lekat dimumanang
Rupe ilang ike kemang
Iseselang ni kekumil beke
‘Rum panewe ko mumilih tempat
Suntuk mampat, turah dekat
Turah dekat ‘rum kekumil sange

Reff:   I…. ye . . .
Jerang belanga se . . .
Kemang atan pematang
Gere mampat bang ku gelngang
Tentang n’oya gere ku toho
Ku engon ku rupe gere kire olok kurang
Ku panang ku rembege mampat kire mulingang
Sana d’e janae
Kusikahan k’elem-elemen
Kusuenen urum renggali
Kutepangan urum melati
Kusiberi gati-gati
Buge mujadi
Gelah belangi ko ingon pake

 

13. MASYUMI

Ulen Bintang (Masyumi) Bintang Ulen
Tamsil n’uren kin penyiremni senuen si mala
Bintang Ulen (Masyumi) Ulen Bintang
Sinyata terang mubela agama
Sinyata terang mubela Negara
Ni MASYUMI (AGAMA)
Hukum ni agama male ijelenen
Ken peraturen iwan ni negara

Reff    : Kaum muslimin urum bangsaku kuini
Kite mumilih rami bererami
Ku MASYUMI Ulen Bintang
Kati terang kati lapang
Jelen murip menurut aturan agama

 

14. PARMUSI

Tajuk denie si male kemang
Mulelingang gelumang masa
Ike masa turah berubah (ige)
Ike musim turah mupepinah
Teridah ko ulen Bintang
Kite senang
Bintang Ulen
Gere Lupen
Ulen Bintang
Se teku kite panang
Nge mubayang tuah bahgie
Laut tenang gule musede
Senuen ijo dagang murah
Si tungupah senang gure
Rata belang murak mutamah
Isi n’umah duduk senie
Beta rupen ‘ke Rahmat ni Tuhen turun ku heme

Reff.   : Kaum muslimin enti kase lupen
Bintang Ulen
Ulen Bintang
Kalang batang wan perang Merdeka
‘Ke nge sawah kase pemilihen
Bintang Ulen
Ulen Bintang
Suluh terang munetah Negara

 

15. KA’BAH

Indonesia . . .
Deniengku sayang

Persatuan …. Persatuan

(Tuahni Ka’bah weio
jeo seni dekat mulo  se kukite se)
Ari Marokko ku Merauke
Muslimin musara ate
Agama (le) kin talie
‘Ke ikote serit mate . . . . pembangunen

Pembangunan . . .  Pembangunen

(Tuahni Ka’bah weio
jeo seni dekat mulo  se kukite se)
Minyak i Teluk Semawe
Emas pirak kin tamahe
Bangka Belitung  timah dele
Kalimantan kayu owe
Bage berbage rupen rahmat ni Tuhen
Kebetulen kite empue
Bage berbage rupen Rahmat ni Tuhen
Pembangunen oya nyawae

Ref.     Tekedir gere siubah
Teruken parini Ka’bah
Nenggeri ni kite tetah
Keadilen gere cakah
Kemakmuren gere bele
Ku Ka’bah ni murum kite
Wei o  ….  oya (le) ni kite.

Banda Aceh Juli 2005. –

* Warga Banda Aceh, asal Gayo

Comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.