Oleh : Isma Arsyani*
Pang Ujen : Dul, kenè milad kesembilen ni I Bener Meriah male ara acara catat rekor MURI, betul keu oya?
Bedul : Kenè beta…gere salah aku, lagu si peren Asisten Sekda saat pembukaan Tenis Meja i Tingkem Bersatu tanggal 3 Januari manea, male ara acara minum kupi murum sawah 3000 jema I Lapangan Sengeda kati nguk mumecah rekor MURI. Sara mi kene, pergelaran didong sawah 2013 personil I lapangan Sengeda wa wehe. Si mehate keu beteh Kam, Pacu Kude.
Pang Ujen : Ike lagu oya keber, minum kupi murum lagu gere mungkin mayo rekor MURI. Kecuali Didong, oya pe turah ikemas secara unik.
Bedul : Oh, lagu beteh Kam di…
Pang Ujen : Oya leu Kam malas baca. Apalagi besiloni nge ara internet. Ketik deh tékék wan computer ma, tangkuh bewene. Ike minum kupi, wan 2012 mane nge ibuet ni jema i Lampung, tepat e I Kabupaten Tanggamus. Ara sekiter 40.030 jema urum acaraminum kupi bersama.Jadi ike male mumecah rekor ni pakea torah lebih ari 40.030 jema. Kecuali ara wan minum kupi kahe ara acara unik len ipadu nen urum minum kupi. Misel, minum kupi Arabica Specialty Gayo siro betepok didong. Ato minum kupi Arabica Specialty Gayo siro berupuh kerung I Bur Cempege ho… hehehe. Jadi nguk berjudul minum kupi murum tertinggi.
Bedul : yah, Pang…lagu gere biasa e kekire ma belangi…biasa e geu…hadoh…
Pang Ujen : Cumen geu, Dul. Ara poin sebenar e wan munaran acara lagu ini.
Bedul : Hana oya, Pang…
Pang Ujen : Pacu Kude; Didong masal; renye minum kupi murum pas milad ni sebenar e hal positif kén Bener Meriah atau Gayo secara umum. Gere daleh mudemu Rekor MURI si i-sponsori Sido Muncul wa, Dul. Si penting kune budaya si nge ara ni enti mosop tapi kune cara itatang kati nguk beteh jema deret so kune kite ni sebenare. Kite ara budaya, seni, urum alam si nguk ibangga nen. Ujung-ujung e kune kati nguk ara acara tahunan si nguk jema dele ari Nusantara ni beloh betanang kini. Keu pasti mutetah lah negeri kite ni. Sekurang- kurang e mutetah ekonomi ni rakyat.
Bedul : Cara e kune, Pang?
Pang Ujen : ara nen EO, kati…
Bedul : eh, EO ni sana wey…
Pang Ujen : hadoooh…EO ni si munos acara kati professional. Kependekan ari Event Organizer. Haaa…kontrak renye EO si belangi I Nusantara ini. Kune cara EO ni nguk ngemas acara Pacu Kude, Didong Massal, urum Minum Kupi ini kati meriah dan berbobot. Promosi lah jeroh. Ike lagu oya, pasti mera we jema deret so nggeh kini. Si be-Paspor pe pasti mera we nggeh kini. Contoh e lagu Festival Busana I Jember. Oya nge jadi acara tahunen si munyedot wisatawan urum dompet te kén Jember. Kite pe ike nguk lagu oya yoh…
Bedul: ike lagu oya kekire mu, cocok ya…
Pang Ujen : Sara mi, Dul. Besilo ara Twitter, Facebook, Blog, macam-macam leu I internet ni si nguk kite kedediri teu ngirim berita. Lagu I Twitter, nguk kite mecét lagu anak kurik I internet. Urum kata kunci tertentu, ike I Twitter isebut “Hashtag”, nguk kite munos keber ku dunie. Apalagi kite bewente I Bener Meriah, Takengen, Belang, dan urang Gayo barik isi, kompak memberitakan #PacuKude; #Didong; urum #KupiGayo, pasti nguk jadi Trending Topic I Twitter. Gere daleh jadi Trending I dunie, I Indonesia pe nge genap, ijamin jema pasti “ munengon” ku kite. Ike Berhasil, kurasa Jaya Suparana, Bos Sido Muncul, ahli Kelirumulogi, Bos MURI a pe mera geh kendiri e kini tanpa I rai ku umah e. Cumen dengan syarat, kite, pemerintah, masyarakat kompak. Jadi acara ni nume ken pejebet pelen. Kune, Dul, cocok keu…?
Bedol: Pas pedeh ya, Pang. Jadi seni entah kite ku umah mu. Gerahen di aku ni, osan pe aku ni Kupi Specialty Gayo. Meh oya urum Land Cruiser-mu entah kite nentong Kude…
Pang Ujen : eleeehhh…
—
*Warga Gayo tinggal di Takengon, (isma.arsyani[at]gmail.com)
