Jinger Kati Jeger!!!! ( Bahtiar Gayo)
Gerle aku mumenge keber
Koro iuwer nge mutempier
Ipangan semok belide ni peger
Gere neh tegep kao juwer
Koro mude menetah kiser
koro tuwe gere neh jinger
sana de bele kati inger
gere muninget imasa suker
biner ni lao nge terang fejer
tene ni heme siep ketier
manat mupinah dene mukiser
lamat ku bicer siluke ku jeger
enti pesalah koro tangkuh ari uwer
si kerna peger gere bebelide
koro mude munetah kiser
pawang ni uwer gere setie
Aleckave Pengulu Bersah
Nume salah ni koro mulumpeti peger
Empu ni uer gere ne munyino
Laing mutaok tene munyeder
Nguk gere jinger ku si mujege
Pora usik renye inger
Meh tempier si kin panglime
Si besebu nge meh mubungker
Nge meh i jungker si kin resie
Semangat si ara padehne teger
Buge gere mutuker paong besene
Tekedir bang kase gere ne sara motor
Kati jawe mupinah blang
Tanuk si sepasang nge siep mujege
Gere ne terih bier kule munyerang
Nge siep tepang ara si mujege
Si munemah poa pulelingang
Nge mepat edang ku simujege
Bojok ayu i tetatang
Olokdi senang atewe suke
Ku koro juah si gati bediang
Poa e kurang gere semperne
Sabe bejege matape ilang
Si mungunuli pematang nguk koro simunyino
Ecek Suku
Klakson seseger ike male munulo
Ari pengalamen jelas nge kite erah
ike uwer mupinah nyanya kite pora mupetetah pemepalan.
Nge biasa wan uning ilacing
Minah kupening nge mubeda belang pediangen.
Biasa tunung tapas empu mujege gere gintes gerle minah tunah.
Mungkin lesi temungkelen si mujege kati songkoten bere gere neh berilang rara…
Amalah Ari Kenawat
Arih arih cuge ku bio
Enti bange royo sebelem bertanding
Gere penah ilen beluh mungaro
So pawang tue nge munetuh laing
Aku nge galip pu date
Munengon pune renah temerbang
Situe petingok si mude pejunte
Nge sabi diri e muramas parang
Nge mubeda rasa poa wan bojok
Nge male fejer biner pe terang
Mungenaki cangkil ku korok gonok
Wan sara uer kuah meh mutuang
Kena olok tu ringil bange tungkelen
Nge meh mutempier ikot ni tali
Janyi termolo se iring sejelen
I lelah ni laut mupecah kemudi
Mu ikot janyi se iya sekata
Urum bulet ni tekat kite murum sara
Gelah mutumpu mepat ku sara jema
Si kin kayu rubu pelongoh masa
Gere ilen mujadi buet
Gere musampe sawah ku hakiket
Nge masing tuah muluah niet
Tali pe metus gere ter semet
Mursyid aman qarib
Benterang mata munerah
Rupen ulu tawar nge mupinah
Pengalaman ne gerilen sawah
Tapi pediangne ulok juah
Ruk ni uwer jarang beruke
Kena belide nge meh tue
Tersik kuel nge meh luke
Cangkili tanuk siben muke
Poa biren nge meh mulemas
Bojok labu manis mupecah tige
Kearape tape kin pengemas
Kona kualak gere oloktu sige
Sesegerpe bungkes ama ari tamas
Lagu meh gerle uwet ari jege
Kusi de ama temuni wan masa panas
Kati nge meh gerle mata bejege.
Jemeh pudaha ara perueren rakal
Gergaji langit nge taring geral
Nge mokot koro munaring ni tunah
Nge meh negeri berpantik umah.
Ara serap ni waih ko karang ampar
Waih mijaril kerpe lemi nge senenar
Lagu taring geral atan sebuku kire
Nge meh cine murukah naringni kute
Sara tempatmi so uber-uber
Nge meh kin empus kupenge keber
Sayang ko juwer memantas nilaing
Taring pebening simumenge suling.
Yusuf Alfoba Kenawat
Koro gonok koro camporen
Iwan ni uwer beda warna e
Deba ilang deba mubiner
Lagu warna lao tangkuh ni pejer
Murum urum koro asli si mubeteh benyer
Urum kerpe si lemi merah pemanganen
Gere mubetih kiser kiri kiser kuwen
ari kerna gonok gere mupengalamen
Paling temas munene i e
Ari kerna warna e mubelang pake
Ibarat niet niate munikot ne
Wan koro asli gere ara hejeb pe
Asa koro gonok nise putetingok
Mumerse i bojok ibarat etik murodok
Isenawat urum tolong we tetap ongot
Ari kerna tereh he ulak ken ku itempate
Koro asli si mupe e uwer
Jeget kuseder si dor musier
Wan tengah sengap koro asli ubuhe jiger
Ahere mubungkes jeget tempier..
Konadi Win Mengaya
Deleni hewan cerite kukoro
Resam berume masa pudaha
Deleni reta murip nguk itene
Ken tanoh Gayo uer tegep lagu baja
Sibeluh soboh munuke ruuk
Gere mugerup koro mulape
Bier tegep peger besesuk
Betupang punguk idegose
Mejen terarap sinegu koro
Simubiyo gere daleh ara
Koro ramah empu sijago
Pusesino mungenaken cara
Koro sipane mudamal gaya
Ngoro biasa sesabi diri
Gere nguk mayo pong simubeda
Juer re gere pora turah sapehi
Irwansyah Doank
Tuk Ketetauk
Sigampang Tanuk Betunah Wan Paya
Geh Mien Sirayu Bujuk
Urum Kude Bungkuk Ku Istana
Nge Temas Dor ikekusuk
Sampe Tanuk Bene Mata
Meh Berangusen Gerantung Tebuk
Tengemni Kuduk Nge Meh Leta
Lok Kutetilok
Koro Gonok Taring Imata
Bier Nise Tanuk Mugedok,
Jadi Bang Ken Nok Uakni Mata
Kuparin Penjinake Wasni Poa Bojok
Kati Cocok Tures Imata
Gaeh Miene Situkang Jolok,
Sampe Mulotok Nge Meh Mureda.
Keta Tunahemi ni kite engnonni abangooooo
Tungel Belang
Koro jamu nge kin ulu tawar
Si munamat bawar gere ne setie
Hek olok nge berketier munerah peger asa nge rige
Isi de musilu si male kin penawar
Tetah tentu turah ari tengku
Si netah denie turah ama reje
Langkah ini lagu dele si munesu
Mungkin ke kin tene dunie nge tue
Muklis Ibrahim
Tali plastik boboh kin penikot
Gr tehen mokot murah pedi rengang
Keruh urum jernih ike waih kutoawa manut
Paling ara kejeb sangkut ike ara muberawang.
Umpama perau enti taring lugeè
Mera munawe empas mogelumang
Oya kati kudaling kite turah besere
Kusi mujantan tegebpe sidele cabang.
Sumber dari FB Bahtiar Gayo
