Oleh : Bahtiar Gayo/ Wartawan Waspada
Kerna kao kin hariye
Nemah berite kin insen heme
Gelah selese mata munerah
Enti pengen canang semelah
Iengon sareh ipanang nyata
Gelah perseh kata mumakna
Iamat mutubuh ipangan murasa
Kao kin suluh kalam ni pena
Kerna kao munemah cerak
Enti kire surak enti kire serbak
Beperi keta kao lah bijak
Ke koa cacak heme begalak
Sipet dedawan enti kire ara
Pane mulipet munetah cara
Sawah kuhakiket kao sengsara
Ingeti edet oya kin pesaka
Gelah pane mujege uwer
Enti kire mukiser kao musier
Gelah jinger kao kin peger
Gelah tegep kao lagu juwer
Enti ku jih tason ko rara
Enti ku waih tunin ko poa
Kire kin sulih wih mumata
Lagu emun putih rangke kekata
Disampaikan pada hari Pers Nasional ke 32, di gedung PWI Aceh Tengah, 9 Februari 2018.
