Merah Johansyah anak ni reje Linge Adi Genali beluh mungaji ku dayah Cot Kala Bayeun i Perlak. kena panewe mungaji urum puhum ilmu perang itamah rupe belangi bedenepe sigep, cerdik nanpe keturunen reje.
Merah Mahmudsyah seltan Perlak munangkate Merah Johan kin panglime bele tentara “Siyah Hudan” kin penyembaran agama islam, murum-murum maha guru Kan’an. Wan pasuken oya sine dele imem-imem sipane berdakwah beluh ku ujung Aceh. bertepaten mien sawah tenah ari reje Indra Purwa i Pancu Nejid. besilose daerah oya i talu Pekan Bada. Male berperang mulewen kerejen Indra Jaya Seudu (km. 21 ari Banda Aceh dene ku Melabuh.
Indra Seudu ibantu reje Indra Patra. Kena sakit natewe penginten reje Bana Indra, belo e iulaken ni Putri Indra Kesuma simampat belangi. Dum mampate irasi jema Putri Kaca (Blieng). Ike sangkalen tar tuyuh luju tar atas putri a gere suke.
Onom ratus jema si nge terpilih seba geh ari linge munuet langkah ari Perlak ku Ujung Aceh. i ujung Aceh berpeden urum reje Indra Sakti kerejeen Lamuri/Indrapura. Kesimpulen ni cerak konot ni peri mujalin janyi ike mera reje mayo Islam kami mera mubantu bersunguh ate. tumung ni pakat reje Indra Sakti mayo renyel Islam
Maharani Tan niko kian khie berasal ari negeri Cine munamat bawar
I Indra Seudu, keturune Nian Nio atawa putri Neng. Perang opat sagi, ngapit bersikapiten rede-rede dabuh soboh urum iyo, mejen murai mejen munampi. perang pemarin i lah ni belang i elem-elemen benteng Indra Seudu. tengkah renye muhanye simen jema mugulang rayohpe dele mugenang so urum ini gere tekaji ne delewe nyawa mulayang. Johansyah maju sara lewen sara urum panglime Indra Seudu. Mutiak leping ni pedang gelang ni pumupe meling lagu berlagu, taring sedemakmi we gere ne luju teramat-amatne. ancur ni besi lagu kona pempeng gere mera royo urum-urum behu mejen rapat demu dayung, isone Johansyah gintes wan atewe lewen kuni rupene banan nengon ku pumu gelang, nengon ku kemering besubang renye terucep “kao rupen ne” ijeweb Putri Neng “aku sana mele” enti ne perang ketane kite. akhirni buet panglime Seudu tertawan tawan, Indra Patrape tunuk kin Johansyah.
Rede perang Johansyah renye betempat urum putri Indra Kesuma atawa Putri Kaca tahun 601 H. lebih kurang 125 M. renyel Johansyah pe inobaten kin reje mugantin empurahe Indra Sakti, iselukne renyel Kulah Kamar kin tene e.
Ara sulu-sulu ulah-ulah male perang mien ari kerejen Seudu urum kerejenen Indra Patra. kati denie ni enti ne karu renyel petri Neng itempati Merah Johansyah. Putri Neng iangkat kin pembina angkatan perang laskar banan. jerete i desa Paluh Aceh Utara.
Pasuken Johansyah si tulu ratus jema bertempat ku Indra puri dak besilo se ara keturunene sebegeral Sukee Lhee Reutuh. Merah Johansyah simudirin kerejeen Aceh Darussalam si bergelar Alaidin Johan Syah urum mudirin ni Kute Reje Banda Aceh besiloni, jerete iatan pematang daerah Indrapuri.
Beta kire-kire kekeberen singket ni Johansyah anak ni genali reje linge. (FORUM PAKE GAYO)
