L.K.Ara
ROWA MESJID
i wan fotomu
ku engon rowa mesjid
menoboh atengku pekekit.
i wan fotomu
ku engon rowa mesjid
sara i kampung kelaping
sarami i kampung kutelintang
munengon rowa mesjid
atengku melelayang.
wo rowa mesjid i kampungku
aku gep i ranto
bedenku i ranto
tape atengku tetap teringet kin ningko.
i mesjid kampung kelaping
pernah kutungkuken ulu
aku pebening
i mesjid kampung kutelintang
gati kutungkuken ulu
aku terkenang.
rowa mesjid ini nge munuruhen aku
menengon jelen si lurus
si harus kujeleni
medemui o Tuhenku.
Banda Aceh, 8 Agustus 2011
