TEKORIK TENGAH MELEM
oleh : Saifoeddin Kadir
Eh Hem,……….
Tekorik tengah melem
Munekik tama dedem
Muneldik wanni kulem
Rebetik reta pinyem
Eh hem,………
Tekorik tengah melem
Geritik impel ni tergem
Pepeltik impel ni murem
Eh hem,………
Tekorik tengah melem
I dededik i gegerinem
Makin i dedik makin pejem
Upuh tetuke dele’nen tungem
Eh hem,……
Tekorik tengah melem
Selopik serei nunem
Utem losik delenen ebem
Eh hem,…..
Tekurik tengah melem
Umur motik tue ni regem
Pora mu jentik kul ni ruem
Ehem,……….
Tekurik tengah melem
Cecah bajik pong ni ulem
Pulih macik luah denem
Baleatu, Takengn 1972
—
BETA KUPEN
Kupen beta,
Mera di i pelipen kite manut
I peniten gumiste museyut
Tah porak mudete’ng minter kedut
Kerlang poge’ng mubunge sesire manut
Mera di asal beta
Betta kupen
I pedewen murip sut samut
Awah ni karung we si nguk i perjut
Turah kupepane’n mungenaken besi lemut
Keta ku elangan netahi benang gasut
Wan lupente i tetunung cemucut
A kati,
Beribedet enti sintak surut
Beta le asal
Beta kupen, kupen betta
**
Manado, Peb 1991
—
Saifoeddin Kadir, yang di kancah seni budaya lebih dikenal dengan nama pena: Zuska ini, lahir di Kutelintang, 1 September 1926. Pensiunan Kasi Kebudayaan Depdikbud A.Tengah tahun 1983, kini tinggal di Depok.
