by

Puisi “Takengen Ton Kelaheren” Munasko Muhdan Bintang

TAKENGEN TON KELAHEREN

Oleh : Munasko Muhdan Bintang

Tanoh Gayo ton kelaheren
sejuk ne kuyu nge mu emus-emus wan baor Takengen
kerah uyem si sesok nge mampat ken pelongohen
i tatang jangkat nge melepis alak beramoren
so mata muwaeh muteter ari penengonen bajungku

Tanoh Gayo ton kelaheren
repuk rasa ni ate mumanang ari gaep
mampat ke kase tutur  musuket pitet
rom mutewah i yup-yup  ari jejari penangenen
tengah malam bute berkekire mumanang bulen cerah i Takengen bajungku

Tanoh Gayo ton kelaheren
wan soboh lao nami ter sawah i toyoh nulung ne bako
mata ne lo osop teles muserme ken ierahen iyo lao
kelamun areh-areh beloh ter atas ne uyem ijo
opoh baju teringet i lemari kayu pedenang alas ari kertan i Takengen bajungku

Banda Aceh, 14 Juni 2012

Comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.