Penyair Gayo kini sudah sering berbalas pantun di dunia maya. Syair-syair mereka elegen dan konstektual dengan realita yang ada. Lintas Gayo kali ini mengambil syair berbalas pantuan dari Bahtiar Gayo dan Amalah Ari Kenawat. Ini syair mereka dalam Nasib Itik Berine ku korek.
Bahtiar Gayo:
Nasibmu itik berine kukorik
Wan uren rentik berate macik
Ni itik galak wan redik
Dabuh korik si musesarik
Gere dais korik rum itik
Mubeda sipet urum perange
Isi denie meh jungkir balik
itik rum korik mubeda dene
Ni itik morep nemah basae
Si kerna korik galep mungeke
Tamun ni itik mungenak jawe
Gere fehem korik munemah ate
Amalah Ari Kenawat:
Ini keta kata kutamsil tikik
Kati enti ine koel ber ate macik
Kurik mutalu sesire musarik
Daduh itik munuruhen sampik
Asal nge beta sipet ni itik
Nge turah iracik pokat urum dedak
Kurik si mungeram ber ate macik
Wan sunut bilik itik pusesepak
Itik sinaruh gere bersunut
Nge jep ralik tenaruh ara
kurik si manak itik seliben kerut
Turuhen behu nge jep jema
Bahtiar Gayo:
Nge beta bang nasibmu ni etik
Iracik dedak kati enti pusesepak
bierpe nadak ber ate macik
si kerna korik munamat piraq
gere musunut asa kao etik
ahere korik sitelas munahma
itik musarik nge unang anik
sikerna korik temuni wan bilik
Amalah Ari Kenawat:
Kurik ilang munuruhen taji
Angsa putih munuruhen rongkok
Nasib ni kurik mudepet upet caci
Dabuh itik entok geh pu tetingok
Kurik mungeram munaso ringo
Gatal murasa pumu mu garut
Ber ine ku kurik asal termulo
Arap nge ara taringen sunut
Seni kurik si ber ues ate
Itik si lenge mudemu bantal nome
Kurik musarik munengon perang e
Itik nge lupen kin ine susu e
Gayo Lut, 8 September 2015
