oleh : Bahtiar Gayo/ Wartawan Waspada
Iktiber ni tuhen male kurike
Ken ingingeten kao insen
Ken pelejeren morep wan denie
Ken iren-iren puren wo rakanno
Cerite gesing male ku uke
Rum kuring ni kule asa cerite
Uji isaring ku ate limpe
Buge mugune biak sudere
Tuahmu gesing iolek ramung
Ulungmu kering ken beje ni bumi
Pegining gining muniro tulung
Ipeciki ramung makin mureling
Meringni batang mujadi pempung
Cabangmu mesing roluh ku bumi
Osopni daling bene ni sunung
Nge lagu baning idere taruki
Megahni kuring si ilang kuning
olokdi sinting mujege uning
Semping bengit murahdi umping
Munenting rayoh tulen sitaring
Sayangmu kule ike gere musawit
Pelanuk mude nge makin rapit
Kule ilo seni pane munewit
Kuru ni imo dabuh mujangkit
Remalan nge musengkelit
Lagu wan karit dene si rata
Osop sara –sara ningko sawit
Ken penyakit ipanang jema
Denang ni kurasa penting
Uji isaring rum dede lapang
Bierpe kule musawit koring
Nge sawah masa turah kabang
Beta kupen nasibmu gesing
Iolek ramung kao turah lesi
Bumi benanti cabang si kering
Taring rempate oya si pasti
Beta kupen puter ni denie
Ara seje kiesen ni tuhen
Ken inget ingeten kao heme
Buge enti ken penyesalen
WRB kupi Takengen, 10 Agustus 2015
syair Gayo lainnya :
##: Eges ***: Ine Ni Rakyat
**: Uluni parang
**: Penyesalen
