Uyem Serule Oleh Amalah Ari Kenawat
Pora aku mugerle
Kala munengon uyem serule
Kuen kiri nge meh bertene
Wani karit nge meh mu heme
Nge taring kisah uyem serule
Ues wan ate ku gere terkire
Nge geh si muderes ari pulo jewe
Si berkuasa mata sipit bersuku cine
Sara sara meh tenaring ni muyang datu
Uten si lues nge meh mu empu
Gere taring warisen puren kin kumpu
Hak penguasaan nge kin koro jamu
Muyang datu si munyuen
Koro jamu si empu ni keduduken
Lale kite gayo gere kin iren iren
Hasil ni bumi te jema munikmati kupen
Kite galip betupang dagu
Hasil ni bumi gayo meh kona sapu
Gelah muninget mi kite ku masa si lalu
Gayo empu ni uyem alasilo si empu ni buku
Aleckave Bersah:
Uyem beriring nge taring kenangen
Orop nge mupucuk renye i siutten
Musim kemaro gati kite engon
Asap mujengkele munampongen uren
Uyem serule pe nge beta rupen
Nge meh betene getahe i uetten
Siempu ni getah nume biak rum serinen
Italui jamu izinne osanen
Urang Gayo empu ni peberasen
Nguk koro jamu mangan korongen
Urang Gayo empuni iwen
Nguk jema deret simumangan iken
Amalah Ari Kenawat :
Ike kite perhatin muloi ari bintang
Uyem mubentang rum ulung si ijo
Melintes kite ku birah panyang
Osop nge bene uyem i tanoh gayo
Uyem nge ara ari masa belene
Senuen su taring ari muyang datu te
Hasil ni getah gere terkire
Si nikmati hasil koro jamu geh ari jewe
Gayo rerenye miskin
Uten si ara nge meh bertene
Gayo empu ni area jema mudemu izin
Kite galip kunul munengon tahe
Bahtiar Gayo:
Bur rum arul nge meh itene
Heme iGayo nengon pecengang
Berdawat ilang empus i rebe
Uten serule kawasan terlarang
Kisah sejarah nge terang nyata
Bintang atan kerlang si bekuasa
Sana si ara meh sapun sapa
Pemepal ni koro nge mai jema
Ike rakyat munebok uten
Nge meling sepatu geh munalu
Muteldik ahere ahere kuren
Kerna serdadu mumeter betiken
Uyem beriring laingne luting
Mongot besebuku lauhe munenting
Nge lagu cerka nabang kemiring
Koro jamu nge surang saring
Amalah Ari Kenawat :
Gere ne pat sana si kite warisen
Ku keturunen gayo kase puren
Uten si lues nge mepat bilangen
Jema munikmati hasil muyang datu tukang suen
Gere pure hasil ni getah
Oya nge i mai ku luer daerah
Si muderes nge pasti depat rupiah
Gayo empu ni tempat nge galip peperngah
Abdul Wahab Daud
Getah i mai ku negeri cine
Perusahaan daerah depet repie
I tos kin capir pingen berbunge
ni kite i beli gere pure pingeni musim mungerje
Aleckave Bersah :
Sayangdi besilo rakyat Gayo
I umah diri nge kin jamu
Reta tenaring muyang datute
Nguk repie osop ari pumu
Belang gerene bepancang
Uten gere ne betene
Kite galip pecengang
Olok di sayang kite Urang Gayo
Uten sara kin conto
Ike i kaji olokdi sayang
Kite empuni rebe
Koro jamu simangan akang
Amalah Ari Kenawat:
Asa beta nasib mu tanoh tembuni
Uten si lues urum baur si ijo
Reta si dele gere ternikmati
Kune kase puren nasib mu tanoh gayo
Sahen puren kin ulu rintah
Nge bewene mungenaki reta
Uyem ijo i kuasai pemerintah
Nge meh mukunah si kunul wan tahta
Selo die gayo nguk sejahtera
Nge meh bertene uten si ara
Rakyat mengklaim perine empu ni negara
Geh si mata sipit sapat ne sara sara
Arjunadi AR:
Asal nge beta murip mu perdu
Timul ni sebuku ari uwes niate
Si nge hangus kayu si rubu
Taring sara roa lagu berjunte
Uyem si dele I suwen datu
Ko perdu nge taring ranting
Gayo ko gelah besatu
Buge murip mu gr mulempusing
Amalah : Uyem si iyo nge taring tungul
Uyet si naru nge meh mumenul
Gelah rapat mi kite murum kunul
Kati si mu aduk gere ne muramul
Muyang datu si ber ues ate
Tanoh tembuni nge jema empu e
Kite gayo nge galip pedate
Ringit si mubagi gere ara sempir e
Bahtiar Gayo:
Uwes niate kenake besebuku
Mongot muderu wooooo bayakku
Ku emun si putih kekire ku tumpu
Hanati betang nasibmu wo Gayoku
Enti salahen koro jamu munemak peger
Kerna kemering ni kule gere jinger
Gere neh rane koro wan uwer
Meh musier ahere muang
Ling ni reje ipejamuri
ta buet ni reje ipenieti
se besilo geh aku sangsi
nge meh mamo bala bili
Sumber Face Boks Amalah Ari Kenawat
