by

Buge

Oleh : Eka Rahayu*

Eka Rahayu

Jarak nge i julen ni ama orom ine aku muranto

Ara orom gere ara jeb ulen i kerim belenye

Kukunei keber ari sijarak karena denem ni ate

Dor i obuh ama orom ine atengku sejuk

 

Jarak nge i julen ni ama orom ine aku muranto

Kul harapenmu buge mujadi sarjana

Menetdi kuerah senyum ni ama orom ine

Karena kubetih muripte asa ari jema nyanya

 

Jarak nge i julen ni ama orom ine aku muranto

Dele nge pengorbanemu ken sekulahku

Pas ke die kase aku mubeles jasamu

Pas ke die kase aku mutik si mujadi ken uah

 

Jarak nge i julen ni ama orom ine aku muranto

Kutiro tulung doa kutuhen

Buge pas mujadi seseren ni ama orom ine

Karena kubetih umurmu semakin tue rupemu semakin layu

 

Jakarta , 28 September 2014

*Mahasiswi Fakultas Ekonomi UMJ

Comments

comments

News