Oleh : Syafi’i Saat*
Firman nituhen wani Al-Qur’an cube kite pengen,
Nasipni pemimpin singuk kite rasi,
Lukmanul hakim remalan dele simumerhatin.
Manusie campin simulemak lungi,
Kukudukni kude anak iparin,
Dele simumerhatin jema sara roa.
Sana die cerakni jema simale iperin,
Rupen senewen anak urum ama,
Nge mari Oya Lukman pe nik kuatasni kude.
Olok Gere mulie Mien ipanang,
Anake kucak lagi tengah mude,
Manehkupe simuniki kude jema tue lelang.
Nge mari Oya kudepe itegu,
Anak teruken Ama terduru,
Simunengon nge meh keliru,
Perene Gere mupau urum jema lelang
Meh Oya kudepe itengol.
Kude sigotol berat seratus kilo,
Simunengon mumerin dogol,
Ini jema tolol tamah mugile,
Nge mari Oya kudepe ijuel.
Ibeli gutel urum lepat tuli,
Jema sumunegon mumerin udel
Manehkupe juelen motor dabuhen jalan kaki.
Ini gambaran seorang pemimpin,
Bierpe campin tetap arawe cupee.
Toni kapur sesak singuk kite perin.
Sikite perhatin tetap we kekurangene,
Urum seber kadang turah kite emah,
Beta Kedah Manatni Ama Ine.
Ike sisemperne Oya milikni Allah,
Sigere pernah Ara salah capek urum cupe.
Gelahmi kite berconto kuperjuangeni Rasulullah.
Kekasihni Allah makhluk simulie,
Perjuangne nasipni makhluk buge mutetah.
Kati mupaedah murip idenie,
Nasipni pemimpin memang nge lagu Noya.
Ara simunengin Ara simungoa,
Jerohpe itetah tetapewe idepa,
Nge lagu Noya kadang turah kite terime,
Redelong 10 November 2021.
* Penulis Adalah Kepala MTsN 1 Bener Meriah
