Oleh : Hasrin Z Bersah
Mununung
Tunung si gere beluh
Taon teduh mepat mutentu
I parin gere terubuh
Ilen sungkuh tempate musilu
Mutene sabe sunguh
Atas kutuyuh gerak munalu
Simen menet si pane munuruh
Gere lesuh tilok ni pumu
Surung gere ilen metuh
Kedik mudanguh si dedemu uku
Gere genap si berpembubuh
Turah betambuh emusni kuyu
Mugerbuk sibekenak keruh
Galak mumuruh munetah karu
Mumanang mata silebuh
Teridah turuh mujaril ku dagu
Rai sigere tangkuh
I was berlabuh mungenali kuru
Ku deret gerene tebuh
Bierpe berensuh sigaeh munegu
Pinangan, 01 Juli 2020
