Oleh : Bahtiar Gayo
Kune de parimu Gayo ooo
Taukni imo nge mujadi sisu
Nge mupero laing ni lengkiyo
Manuk keriko timul sebuku
Gaih ni bele mutetimpe
Osop bang die kao kuru reje
Turah ber imem ku Kute Reje
Sejarah ayu munaos cerite
Dunie mupeter nge sawah masa
Mera mutuker tenumpit ni ama
Syarah kata nge tareng basa
Turah mukemar ke kao bawar pesaka
Si mutabu asa nge mujadi atu
Denen mutumpu isalup lembide
Uwes ni ate nge dabuh karu
Mongot pudederu so teluk Rawe
Osop ama nge bene ine
Lagu bedate kao insen heme
Si namat punce gere bebike
asa nge mupitet dene ku Linge
Kusihku tumpun putih ni ate
Nge morep cumun sabe diri
Nge maken ranap koa ules nome
Nge maken rere kao tanoh tembuni
Takengen, 8 Juli 2015
penyair : Wartawan Waspada tinggal di Takengen
