Oleh : Bahtiar Gayo/ Wartawan Waspada
Koro nge munareng tunah
Mupinah uwer muang ahere
Peger ni uwer meh murebah
nge tiwel semelah gergel ni tete
Waih kaul mugemboyah
Mupinah atang mutetah dene
Asa nge beta bang sejarah
Tongar manut muserme kupante
Selo de kalang tereh kin sumpah
Sitemerbang tetap we pecikke
Parang belati gere bekelah
Asal pemanganne turah dengke
tasak ni kero buang semelah
maral ku kekap kune de ahere
angur kemero muniro cecah
legen mubelah sana de gantiee
ilayang mungkur menerah tuah
nemah ni tubuh kati selese
engon ku ulen munentun langkah
kati enti mupinah ulute nome
Bintang, September 2016
