Joni MN, Aman Rima*
Tabi urum kata maâaf ku sudereng-ku bebewene kata ara kase salah peldah ni ni kertas gelah bersitetahen kite â urum bersi ungeren, ini ku jurah urum ling ni gayo-nte, seger mi tabi ku jurah ike ara salah. Menet pedi edet urum basa Gayo ni sawah ku baur si atas, kurasa nguk ike mera kite pe-urum-urummi.
Sudereng-ku, serinen-ku, ama, urum ineng-ku pedih, murum mi kite munekul ni Gayo-nte urum-urum, si berkebetulen nge teridah kerenem te si begeral âĂ Love Gayoâ, ini ton te kin bersi-ungeren, ton te mugadu urum ton te murum. Ara ni kerenem kin ton ni mangas buge temas bang kite besugi, gereneh cico mungenal konyel, urum pinang, kerna bako urum belo pe nge mutmpuk wan tempat e oyale kerenem.
Suderengku uwet mi kite murum, kin tembuni nte tanoh Gayo ni, ulak mien aturen ni ku saraq opat si mulo, kati bijak bang si munetah tentu rayat te urum genap mupakat, ike kite nge berserah pecaya ku reje si musuket sipet, petue si mu sidik sasat, imem si muperlu sunet, oya nge pasti ku rakyat gere neh mukekunah, sawah kase sana si kite kenagki. Ini ku nahen kin nte sara ine urum sara ama buge nguk kin tonanen nte murum-urum buge kati sawah kite ku padang sari bulen. Munyamung miyen, I Gayo sibenar e, edet berules syariet besebu, oya tene..e murib ni torah bersiberperalanen kite, besijegenen kite, urum besi-ingeten kite bebewen nte, syariet berules; oya tene..e kite gere lepas taring ari tuntunen agama, murib gere luah betapelin, kite torah muikot-ikoten kati enti kite bersituduhen sesabi diri-nte. Kite nunkun mi urang gayo ni; murib I kanung edet, mate I kanung bumi boh kite urum-urumi murib sari murib, mate sari mate ke murelas batang boh cabang mubunge, buge urum ara e reje si musuket sipet, imem si perlu sunet urum petue si musidik sasat, gere neh ara musang pulut si munemah keber si mubebalut, salah be tegah oya kene petue, benar ipapah oya kene imem nte â gelah mupucuk ku langit, urum mujantan ku bumi oya alih langkah..e kene ling ni reje nte.
Sudere-ngku ketiken te jeroh, bilang te si bisĂš, kerna nge mangas kite tesara cepahen bengi kire belo, nge kite rasa..i kin mungĂš, si katan pinang nge kite rasa..i kin idĂ©e, ike kapur pĂ© nge kite cĂȘcĂȘp kin apaq..e, ike konyel pe nge kite rasa..i kin kelat..e, bunge lawang kacu nge kite rasa..i kin lemak urum jing..e, sekiren mabuk ni bako pe nge ara kin rasa..e. ini le si kite jurahen kite jurahen ku kite urum anggota 4 kati nguk I tetah tentu..e rayat ni, rempak kite ike lagu noya musara anguk mi kite, ini nume ling kin ure-ure dengan bayak ku bewene urang gayo, ike sahan pe kase si mulie. Ari bullet ni pakat si tirus ni genap, buge bullet ni gelas urum tirus ni umut kin sepeden murum, ku-luah cerag kerna kuengon nge sawah bĂ«lon-nte sara rĂ«sĂ«k, pinang te sara sĂ«mir si wan batil urum isi diri..e buge kin oleh te, gelah jeroh kase rĂšsĂšg-ke, kati sawah bang nied urum angan kasad te sebeb murib nig ere terluahen ari kanung edet maten-nte pe nge pasti I kanung bumi ari oya torah kite ingeti remalan-nte torah bertungket serta peri-nte pe torah berabun.
Si suket torah muberat, I cing torah mukilo, I pinah torah munama si kaerna jumpun gere mupulo enti sempat wan terbong I urib-pi kelah sesampe cemucut enti sempat mugelmag, I engon cerak te gelah selese, ike si kuatan kuning nge kite timang, ike si perin putih nge kite bilang, konote nge kite jengkali naruwe nge kite depai, kul..e nge kite dokob-pi enti lebih urum kurang I..engon si agih-agihe, kene jema jemen; ko..le..kin tempuh tamah tulung bantu-ngku, kin kidding pantas pumu narungku, buge sawah sana pinte-nte, gere neh pekekune anak-cucunte dene ku-gayo, gereneh bejeweb kase ter-emun putih so langit ijo, ulak mi kite suderengku ku sedenge, ulaken mien si beluh ku taraq ke, si miwen ara kase saraq-ke kati mulie kite I panang jema, gere lapuk I tuhi uren, gere kering I daring..i lao.
Ini kekitiken si nguk kusawahen, ari kerna lape ni ate-ngku oya we si lepas ku bueten, tabi kin dengan urum suderengku, buge nguk kin inget-inget ten. Berijin ku tuah bahagie-nte murum-urum.
 —-
WoooâŠSudereng-ku, lagu si luju Penggelih ni rongok-ku, lagu tali si kin perapus ni pumu-ngkuâŠ.buge enguk kin upuh ules te si â time upih mokot mupecah, gadung maji ari bur ni gajah, pelu paya ilang meh kona redah, sawah bango putih meh puejah-ejah.
*Pemerhati pendidikan, sosial budaya Gayo, tinggal di Takengon
Comment