by

Ine Ni Rakyat!

Bahtiar Gayo
Nengon kudasi simen penadi
Jas betepa nge makin garang
Jerilep kerenem geh segan kami
Betepa khusus emas berpasang

Ingeti sumpah urum janji
Buetlah pasti enti ber jak unang
Enti arap berpeker ken tuke diri
Ingeti rakyat kao gelah semayang

Banner

Qur’an ijujung oya ken saksi
Sumpah ku tuhen gere bebarang
Ides si nasib tanoh tembuni
Karna kam seni namat ulu parang

Gere mudah murebut kersi
Mutentu penadi kunul iampang
Dele nge modal singe itekari
Oya nge resam wan bejuang

Tariket belangi gere nguk sangsi
Enti mugeguk kona ku sen ilang
Enti bedewe rum dana asfirasi
Rakyat nomor satu ike bersidang

Enti menelom ku sara sagi
Taon te mari ku Paya ilang
Gelah musara tulen urum usi
Torohen ku kami rayohmu ilang

Takengen, 25 Agustus 2014

Penyair Wartawan Waspada di Takengen.

beberapa syair Gayo lainnya:

Gesing Rum Kule

Mupinah de kao bawar

*: Uluni Parang

** Eges

*: Kune De Kase

**: Penyesalen

Comments

comments