Oleh : Bahtiar Gayo
Kupanang ko Lut Tawar baur muriti kiri rum kuwen
Ateku macik mutamah karu munengon ko waih Peusangen
Waihmu durus ku toa selalu nge mulingen meh mulimen
Penekaran nge muonton-onton buetni jema gere mu imen
Waih IGayo Tekengen lagu umahni madu gere ara manisen
Dep wan kute gaihmu munetep, makin kuduru selo pat urusen
Sayangdi ko Lut Tawarku waihmu selalu gere pat pergunen
Ken ibadah seber tengku nanten gegur geh ni uren
Dep ken ibadah nge susah kunehmi ko senuwen
Ke umahni reje oya nge turah iketieri iusahanen
Ke siku kuwen kiri ejeb penadi ringit turah isedien
Sayangdi ko Gayo etik mate wan umahni keben
Rakyat jelata sayang penadi dep niri turah bebeli
Nge bang ken sejarah kunede nasipmu waih bebuli
Gere beriro neh tetebuken nge mate mata meh musuri
Kusahmi de kukadun nge bang nasipmu tanoh tembuni
Rara mujengkele meh uten jep sagi
Mukipesen mujempurusen pucuk silemi mujadi demi
Beningmu lut tawar ara ilen ke tawar bengi
Bedate kebuetni, Insya Allah ku Ilahi?
*** Penyair tokoh Pers di Gayo Lut
Comment