Kune De Kase? ;Oleh Bahtiar Gayo
Osop lepas selalu ku toa
Manut sara-sara ku waih deras
Isangkan aras bene ari mata
Tareng ko basa Ilangit atas
Ama ari uken ine ari toa
Mubilangen nge lelon ni mata
Nge ku son son ko jantung rasa
Urum serinen berbasa kota
Mutabu ilaut itetah rawe
Bier bade turah isenummi
Osop ni basa kune de kase
Nge lagu kare isemer pungi
Tenaso Gayo jeroh penadi
Ari muyang pesaka bepari
Sawah ku kite nge bala bili
Meh muligen musarik bumi
Kite tunung kati enti salung
Enti ku penujung isangkan jema
Ibarat baor gere neh sunung
Langkah sirung asa ku mara
Singe lalu kisah sejarah
Linge mutuah asa tembuni
Berdoa ku tuhen si kite semah
Itetah peden basa jemen iulaki
Ikelsih muyang sumpah bumi
Gaeh ni bele mutetimpe
Muganti silih alun penanti
Pulihmi pulih ko bumi linge
*** Penyair Wartawan Waspada di Takengen
