Oleh : Bahtiar Gayo*
Uren si bengi enti ko lekang
Gelah tegep teger syariatmu
Kowaih enti ko musirang
Kurara ko nemah bengi bayakku
Gelep nge turah terang
Kemaro rum uren sejudu
Kekasih enti ko lelang
Semayang gelah turut payu
Bunge koa tiar kemang
Ken motek uwah bertuju
Ko uyet enti neh bimang
Selpahmu kusedien selalu
Bunge enti ko mala
Mujantang tegep asa uyetmu
Ke gaih uren ko wan prala
Bier kemaro ko turah luhu
Enti kuatas sembeling ni mata
Erahko bumi taon musilu
Takeder tuhen morep te nyanya
Ken tawar bengi buge syarietmu
Doa tulus iwan semiang
Ketier wajib oya si fardu
Yakinmi tuhen semayang
Sebermi ko upuh bajuku.
**Takengen, 12 Agustus 2014**
Penyair Wartawan Waspada di Takengen
